Türkmenistan Täjigistanyň Hatlon oblastynyň Dusti raýonynda Magtymguly Pyragy adyndaky mekdebiň taslamasy we gurluşygy üçin halkara bäsleşik yglan etdi.
Bäsleşik Gurluşyk we binagärlik ministrligi tarapyndan gurnalýar. Tendere gatnaşmak üçin arzalar 27-nji iýula çenli kabul edilýär.
Belleýäris, geçen ýylyň maýynda Orsýetiň Astrahan obalastynyň Priwolžsk raýonyndaky Funtowa obasynda Türkmenistan tarapyndan 190 okuwça niýetlenip gurlan mekdep açyldy.
2017-nji ýylda Özbegistanyň Horezm oblastyndaky Gaýbul obasynda türkmen mekdebi, poliklinika, çagalar bagy we birnäçe ýaşaýyş jaýy guruldy.