Futbol boýunça Türkmenistanyň ýygyndysy 2027-nji ýylda geçiriljek Aziýa Kubogynyň saýlama tapgyrynda D toparynda Taýlandyň, Hytaý Taýbeýiniň we Şri-Lankanyň ýygyndylary bilen oýnar.
Saýlama tapgyrynyň bije çekişligi şu gün Kuala-Lumpurda Aziýanyň Futbol konfederasiýasynyň baş edarasynda geçirildi. Onuň jemleri boýunça her birinde dört topar bolan alty sany topar döredildi. Her toparda her biri üçüsi öýde, üçüsi-de myhmançylykda jemi alty oýun geçiriler.
2027-nji ýyldaky Aziýa Kubogynyň final tapgyryna diňe alty toparyň ýeňijileri çykar. Bu yklym ýaryşy Saud Arabystanynda geçiriler.
Aziýa-2027 Kubogynyň saýlama tapgyrynyň bije çekişliginiň netijeleri:
Topar A: Täjigistan, Filippinler, Maldiwler, Gündogar Timor Topar B: Liwan, Ýemen, Butan, Bruneý Topar C: Hindistan, Gonkong (HHR), Singapur, Bangladeş Topar D: Taýland, Türkmenistan, Hytaý Taýbeyi, Şri-Lanka Topar E: Siriýa, Owganystan, Mýanma, Pakistan Topar F: Wýetnam, Malaýziýa, Nepal, Laos