2026-njy ýylyň 26-njy maýynda Türkmenistanyň Daşary işler ministri Raşid Meredowyň BMG-niň Howpsuzlyk Geňeşiniň mejlisiniň çäklerinde geçiriljek BMG-niň Tertipnamasynyň maksatlaryny we ýörelgelerini berjaý etmek hem-de Birleşen Milletler Guramasynyň merkezi ornuna esaslanýan halkara ulgamy berkitmek atly ýokary derejeli açyk pikir alyşmalaryna gatnaşmak üçin Nýu-Ýork şäherine iş sapary başlandy.
Bu barada Türkmenistanyň DIM-niň web-saýtynda habar berilýär. Çäräniň we saparyň çäklerinde meýilleşdirilýän ikitaraplaýyn duşuşyklaryň dowamynda halkara parahatçylygyny we howpsuzlygyny saklamak, köptaraplaýyn hyzmatdaşlygy ösdürmek, şeýle hem häzirki zaman halkara gatnaşyklarynda BMG-niň ornuny berkitmek bilen baglanyşykly halkara gün tertibiniň möhüm meselelerini ara alyp maslahatlaşmak göz öňünde tutulýar.