Türkmenistanyň daşary işler ministri R.Meredow bilen Türkiýe Respublikasynyň daşary işler ministri M.Çawuşoglunyň arasynda telefon arkaly söhbetdeşligi geçirildi.
6-njy fewralda bolan söhbetdeşligiň dowamynda Türkmenistanyň daşary syýasat edarasynyň ýolbaşçysy Türkiýedäki köp sanly adamyň ölmegine we ýaralanmagyna sebäp bolan ýer titremesi bilen baglanyşykly türk kärdeşine duýgudaşlyk we goldaw bildirdi.
DIM-niň resmi saýtynda berilýän habara görä, R.Meredow pida bolanlaryň maşgalalaryna we dostlaryna çuňňur gynanç bildirdi, ýaralananlara tiz wagtda sagalmaklaryny arzuw etdi.