Türkmenistanyň Garaşsyzlyk ýyllarynda türkmen sportuny ösdürmekde we onuň halkara abraýyny belende götermekde bitiren uly hyzmatlaryny hem-de sportuň hokkeý görnüşi boýunça okuw-türgenleşik we terbiýeçilik işlerinde aýratyn tapawutlanyp, 2024-nji ýylyň 15 — 20-nji apreli aralygynda Aşgabat şäherindäki Gyşky oýunlar sport toplumynda geçirilen hokkeý boýunça halkara ýaryşda üstünlikli çykyş edip, baýrakly orny eýeländiklerini hem-de gazanan ýokary netijelerini nazara alyp, Prezident Serdar Berdimuhamedow Permana gol çekdi.
Resminama laýyklykda, Türkmenistanyň raýatlarynyň bir toparyna, degişlilikde, Türkmenistanyň at gazanan tälimçisi, şeýle-de Türkmenistanyň at gazanan sport ussady diýen hormatly atlar dakyldy.Bu barada Watan habarlar gepleşiginde habar berildi.
Bellenilişi ýaly, resminama metbugatda dolulygyna çap ediler.