Türkmenistanyň wekiliýeti Konýa şäherine bardy

Türkmenistanyň wekiliýeti Konýa şäherine bardy

Türkmenistanyň wekiliýeti V Yslam Raýdaşlygy oýunlaryna gatnaşmak üçin Türkiýe Respublikasyna bardy. Oýunlar 9 ― 18-nji awgut aralygynda Konýa şäherinde geçiriler.

V Yslam Raýdaşlygy oýunlaryna takmynan 54 döwletden 3 500 töweregi türgeniň gatnaşmagy garaşylýar.

Türgenler sportuň 23 görnüşi boýunça, ýagny ýeňil atletika, ýaý atmak, basketbol 3x3, boççe, futbol, welosport (trek, şosse), gylyçlaşmak, gimnastika (sport, çeperçilik, aerobik), gandbol, dzýudo, karate, kikboksing, sport atyşyk, suwda ýüzmek, stol tenisi, taekwondo, woleýbol, agyr atletika, sport göreş (erkin we grek-rim) görnüşleri boýunça ýaryşlarda özara bäsleşerler. Şeýle hem, bu oýunlarda sportuň para görnüşlerinden ýeňil atletika, stol tenisi, suwda ýüzmek we ýaý atmak boýunça ýaryşlar gurnalar.

Tanyşdyryş sport hökmünde milli ýaýdan ok atmak görnüşinden hem ýaryşlar geçiriler.

Türkmenistanyň Sport we ýaşlar syýasaty ministrliginiň resmi saýtynyň ýazmagyna görä, Türkmenistan bu Oýunlaryň ýeňil atletika, ýaý atmak, basketbol 3x3, welosport (trek, şosse), gylyçlaşmak, gimnastika (çeperçilik), dzýudo, karate, kikboksing, suwda ýüzmek, agyr atletika, sport göreş (erkin we grek-rim) we adaty ýaýdan ok atmak ýaryşlaryna gatnaşar.

Ýene degişli makalalar

Talyp türgenler Olimpiýa oýunlarynda
Erdogan Konýada Partiýasynyň Welaýat Maslahatyna Gatnaşdy
Spor Toto Super Liganyň 37-nji hepdesi tamam boldy
Hulusi Akar Galla ylalaşygy barada beýannama berdi
“Mundan Soň Gabar Terror Bilen Däl Eýsem Nebiti Bilen Tanalar”
Türk metbugatynyň gysgaça mazmuny
Erdogan: "Judi, Gabarda günde 100 müň barrel önümçilik kuwwaty bolan nebit tapdyk" diýdi