Türkmenstandartlary baş döwlet gullugynyň Kiberhowpsuzlyk boýunça sertifikatlaşdyryş bölüminiň işgärleri hünärlerini kämilleşdirmek maksady bilen Programma üpjünçiliginiň goragy boýunça okuw sapaklaryny geçmek üçin Birleşen Arap Emirlikleriniň Dubaý şäherinde ýerleşýän EDOXI TRAINING INSTITUTE okuw merkezinde saparda bolýarlar. Okuw sapary Malaýziýanyň Serba dinamik Sdn.Bhd kompaniýasynyň Türkmenistandaky şahamçasy bilen baglaşylan şertnama esasynda guralýar.
Okuw saparynyň dowamynda türkmen wekiliýetiniň agzlalary Dubaý şäherinde ýerleşýän Microsoft we Google kompaniýalarynyň iş ýerlerine hem baryp görerler. Ol ýerde türkmen hünärmenleri dünýä belli abraýly kompaniýalaryň programma üpjünçiliginiň goragy babatda ýeten derejesi bilen ýakyndan tanşarlar.