28-nji noýabrda Gazagystan Respublikasynyň Aktau şäherinde Türki medeniýetiniň halkara guramasyna (TÜRKSOÝ) agza döwletleriň Medeniýet ministrleriniň Hemişelik Geňeşiniň nobatdaky 42-nji mejlisi geçirildi. Mejlisde 2025-nji ýylda Türki dünýäsiniň medeni paýtagty diýlip yglan edilmegi mynasybetli geçirilen çäreleri jemlemek dabarasy hem-de türki döwletleriň sungat ussatlarynyň konserti geçirildi. Mejlise Türkmenistanyň Medeniýet ministri A.Şamyradow gatnaşdy.
Şu ýylda TÜRKSOÝ tarapyndan Özbegistan Respublikasynyň Daşkent şäherinde geçirilen Türki dünýäsiniň zenanlarynyň älemi atly sergisi, Gazagystan Respublikasynyň Almaty şäherinde geçirilen 3-nji Türki dünýäsiniň talyplar spektakllarynyň teatr festiwaly, Türkiýe Respublikasynyň Trabzon şäherinde geçirilen TÜRKSOÝ-yň Hemişelik Geňeşiniň wekilleri derejesindäki maslahaty hem türki halklaryň arasynda medeni hyzmatdaşlygy berkitmekde örän netijeli boldy.