Turkmenportal saýtynyň mobil programmasy nobatdaky gezek täzelendi. Işläp düzüjiler onuň dizaýnyny kämilleşdirdiler, käbir ýalňyşlyklary düzedip, Bildirişler, Ýörite makalalar we TSTB atly täze bölümleri goşdular.
Ozal Turkmenportal-da adaty ulanyjylaryň bildirişlerini diňe saýt arkaly görüp bolýan bolsa, indi olar mobil nusgada hem görmek üçin elýeterli boldy.
Käbir smartfonlarda mobil programmanyň awtomatiki usulda täzelenip bilmezligi mümkin. Şonuň üçin Türkmenistandaky möhüm täzelikler barada habarly bolmak üçin köne nusgany öçürip, täzesini Google Play ýa-da App Store arkaly göçürip almagyňyzy maslahat berýäris.
Mobil programmanyň täzelenmegi iň amatly ulanyjy tejribesini üpjün eder we döwrebap push-habarnamalarynyň kömegi bilen, ýurduň durmuşynda bolup geçýän möhüm wakalary öz wagtynda öwrenmäge kömek eder.