Russiýanyň Goranmak ministrligi, Ukrainanyň düýn gije Russiýanyň Brýansk sebitine Amerikada öndürlen uzak aralykly taktiki ATAJMS raketalary bilen hüjüm gurandygyny mälim etdi.
Goranmak ministrliginden berlen beýannamada, Ukrainanyň harby goşunynyň Brýansk sebitine 6 balistiki raketa atandygy nygtaldy.
Raketalaryň, S-400 we “Pantsir” howa goranyş raketa ulgamlary tarapyndan täsirsiz ýagdaýa getirlendigi ýatladyldy.
Beýannamada “Hüjümde Amerikada öndürlen uzak aralykly taktiki ATAJMS raketalary ulanyldy. Raketalardan 5-i urlup düşürildi, 1-ne hem uly zeper ýetirildi. Raketanyň bölekleri Brýansk sebitindäki harby desganyň tehniki bölümine düşdi we ýangyn boldy. Ýangyn söndürildi. Wakada adam pidasy çekilmedi” diýildi.
Amerikan Waşington Post gazeti, Amerikaly ýolbaşçylara esaslanýan habarynda, Amerikan hökümetiniň Ukraina beren uzak aralykly taktiki raketa ulgamlarynyň Russiýa garşy ulanylmagyna rugsat berendigini mälim edipdi.