TDH-nyň fotosy
3-nji iýunda belli rus biçimçisi Walentin Ýudaşkin Türkmenistana baryp, “Türkmen dokmasy -2017” atly halkara sergä gatnaşdy diýip, TDH habar berýär.
Şeýle-de sergä belrusly dizaýnerler Ýuliýa Latuşkina we Lýudmila Labkowa dagy gatnaşdy, olar Aşgabatda özleriniň täze eşik kolleksiýalaryny görkezdiler.
Aşgabatdaky halkara dokma önümleriniň sergisi her ýylda Türkmenistanyň Dokma senagatynyň işgärleriniň gününiň öňünden guralýar. Dokmaçylar güni her ýyl iýun aýynyň birinji ýekşenbesinde bellenýär.
Ýatladýarys, Ýudaşkin bir ýyl ozalam türkmen dokma sergisiniň myhmany boldy we hatda şonda türkmen kärhanalary bilen bilelikdäki kolleksiýasyny işläp düzmegi hem wada berdi.