Wenesuelanyň Içeri işler ministrligi ABŞ-nyň Wenesuela garşy guran hüjüminde azyndan 100 adamyň ölendigini aýan etdi.
“TeleSUR” telekanalynyň maglumatyna görä, içeri işler ministri Diosdado Kabello çarşenbe güni Nikolas Maduronyň we onuň aýaly Siliýa Floresiň şenbe güni bolan hüjümde ýaralanandygyny aýtdy.
Kabello Maduro, onuň aýaly we ABŞ-nyň harby operasiýasynda ýogalan adamlar barada öwgüli sözler aýtdy.
Wenesuelanyň goşuny çarşenbe güni ýurduň paýtagtynda guralan hüjümde ölen onlarça esgeri jaýlamak üçin köpçülikleýin çäre geçirdi.
Kabello döwlet telewideniýesine beren beýanatynda: “Wenesuela taryhy we mirasy bolan millet bolandygy üçin boýun egmez. Indi bütin dünýä Nikolas Maduronyň uruş ýesiri bolandygyny we ABŞ-nyň halkara ylalaşygynyň ähli kadalaryny bozandygyny bilýär” diýdi.
Amerikan güýçleri ýurduň demirgazygyndaky nyşanalara howa hüjümlerini amala aşyrýan mahaly, ýörite harby güýçler Maduro bilen Floresi ogurlap, ABŞ-na alyp gitmek üçin Karakasda reýd geçirdi.
Nýu-Ýork şäherindäki kazyýetleriň birinde neşe we ýarag aýyplamalary boýunça ilkinji diňlenişigine gatnaşan Maduro we Flores aýyplamalary ret etdiler.