Yragyň demirgazygynda ýerleşýän Kandil etrapçasynda ekstremist terror guramasy PKK-a agza 4 terrorçy täsirsiz ýagdaýa getirildi.
Milli Goranmak ministrliginden berlen beýannamada, terrory dolulygyna ýok etmek üçin egilşiksiz operasiýalaryň dowam edýändigi nygtalyp, “Yragyň demirgazygynda ýerleşýän Kandil etrapçasynda ýerleri anyklanylan ekstremist terror guramasy PKK-a agza 4 terrorçy Howa güýçlerimiz tarapyndan täsirsiz ýagdaýa getirildi. Terrora garşy egilşiksiz göreş dowam eder” diýildi.
Milli howpsuzlyk gullugy hem “ýaşyl sanawda” gözlenýän ekstremist terror guramasy PKK/ÝPG-niň jogapkär ýolbaşçylaryndan “Seýdo Kod” lakamly terrorçy Halil Tekini, Siriýanyň Gamyşly etrapçasynda guran operasiýasynda täsirsiz ýagdaýa getirdi.
Ekstremist terror guramasy PKK/ÝPG-niň hataryna 2007-nji ýylda goşulan, Siriýada we Yrakda terrorçylykly aksiýalara gatnaşan Tekiniň, özüni ýaly terror guramasynyň agzasy bolan kakasy Ibrahim Tekiniň hem 1992-nji ýylda Türk ýaragly güýçleri tarapyndan täsirsiz ýagdaýa getirlendigi nygtaldy.