Siriýanyň demirgazygynda ekstremist terror guramasy PKK/ÝPG-a agza ýene-de 8 terrorçy täsirsiz ýagdaýa getirildi.
Milli Goranmak ministri Hulusi Akar, Kaýseride halk bilen duşuşdy.
Terrora garşy alnyp barylýan göreş hakynda maglumat beren Akar, 2015-nji ýylyň 24-nji iýulyndan bäri terrora garşy egilşiksiz göreşiň alnyp barylýandygyny belledi.
Akar “Şol günden bäri 37 müň 793 terrorçy täsirsiz ýagdaýa getirildi. Terrorçylaryň gowaklaryny, gaçybatalgalaryny, hinlerini derbi dagyn etmäge dowam edýäris. Düýn agşam ýene-de 8 terrorçy täsirsiz ýagdaýa getirildi. Soňky 10 günde täsirsiz ýagdaýa getirlen terrorçylaryň sany 50-a ýetdi” diýdi.
Ministr Akar, terrora garşy egilşiksiz göreşiň dowam etjekdigini ýatlatdy.