YouTube onlaýn-wideohostinginiň baş direktory Sýuzan Woýçiski iş başyndan gitmekçidigini yglan etdi. Bu barada TASS habarlar gullugyna salgylanýan Inform.kz ýazýar.
Men YouTubeniň başlygy wezipämi goýup, özümi maşgalama, saglygyma we şahsy taslamalaryma bagyşlamak isleýärin diýip, ol özüniň sahypasynda ýazdy.
YouTube wideohostingine dokuz ýyl bäri ýolbaşçylyk edip gelýän Woýçiski özüniň ornunda kompaniýada 2015-nji ýyldan bäri önümçilige gözegçilik bölümine ýolbaşçylyk edýän Nil Moheni görmek isleýändigini aýtdy.
Woýçiski 2006-njy ýylda YouTube hostingini satyn alan Google tehnologik kompaniýasynyň eýesi bolan Alphabet holdinginde geňeşçi bolup işlär.