Ysraýylyň harby goşunynyň Liwanyň paýtagty Beýruda guran howa hüjüminde Hizbullahyň serkerdelerinden Fuad Şükür öldürildi.
Ysraýylyň harby goşunyndan berlen ýazmaça beýannamada, howa hüjüminde öldürlen serkerdäniň Hizbullahyň lideri Hasan Nasrallahyň “sag elidigi” öňe sürüldi.
Beýannamada, serkerde Fuad Şüküriň “8-nji oktýabrdan bäri Ysraýyla garşy guralýan hüjümleri gönükdirýändigi we 27-nji iýulda Mejdel Şemse guralan hüjümiň jogapkärdigi” öňe sürüldi.
Ysraýylyň howpsuzlyk güýçleri, Beýrudyň günortasynda Hizbullahyň Şura Mejlisiniň ýerleşýän ýeri bolan Huhreýk etrapçasynda bir bina dün agşam howa hüjümini gurapdy.
Liwanyň Saglygy goraýyş ministrliginden berlen beýannamada, Ysraýylyň hüjüminde 1 adamyň ýogalandygy, 68 adamyň ýaralanandygy nygtaldy.