Ysraýylyň 7-nji oktýabrdan bäri Gaza Sektoryna garşy guraýan hüjümlerinde azyndan 11 müňi çaga, 7 müň 500-i zenan bolmak bilen 26 müň 422 palestinaly öldürildi, 65 müň 87 adam ýaralandy.
Ysraýylyň howpsuzlyk güýçleri Gaza sektoryny howadan, gury ýerden we deňizden nyşana almaga dowam edýär.
Hüjümleriň 115-nji gününde onlarça adam ýogaldy we ýaralandy.
Palestinanyň resmi WAFA habarlar gullugynyň berýän habaryna görä, Ysraýylyň harby goşuny howadan we gury ýerden Gazanyň günorta gündogarynda ýerleşýän Az Zeýtun bilen günorta günbatarynda ýerleşýän Tel al Hewa etrapçalaryny bombalady.
Bombaly hüjümlerde onlarça adam ýogaldy we ýaralandy.
Ysraýylyň harby goşuny Gaza Sektorynda ýene-de 1 žurnalisti öldürdi.