Ýewropa Komissiýasynyň başlygy Ursula fon der Lýaýen Braziliýada geçirilen metbugat ýygnagynda Ýewropa Bileleşiginiň Latyn Amerikasyna 10 milliard ýewro maýa goýmagy meýilleşdirýändigini aýtdy. Ilki bilen bu maliýe serişdeleri, howanyň üýtgemegine garşy göreşe, ýaşyl energiýany we sanly ykdysadyýeti ösdürmek boýunça taslamalara gönükdiriler.
Bu maliýeleşdirme goşmaça hususy maýa goýumlaryny çekmek üçin esas bolar. Mundan başga-da, seýrek duş gelýän magdanlary gazyp almak pudagynda Braziliýa bilen strategik hyzmatdaşlygyň ýola goýlandygy habar berildi. Bu hyzmatdaşlyk iki yklymyň bu möhüm baýlyklar üçin zerurlyklaryny kanagatlandyrmaga gönükdirilendir. Çünki bu hyzmatdaşlyk ýaşyl ykdysadyýete geçmekde möhüm rol oýnaýar.