Täze Zelandiýanyň Oklend şäherinde dowam edýän Bütindünýä weteranlar oýny sport şüweleňinde özboluşly waka boldy. 100 metr aralyga ylgamakda hindistanly Man Kaur altyn medal gazandy. Ýaşuly türgen 100 ýaşdan ýokary diýlen ugurda ýeke özi ýaryşa gatnaşyp, ol 100 metr aralygy 1 minut 14 sekuntda tamamlady. Ýeňil atletika mundan 8 ýyl ozal, ýagny 93 ýaşynda başlan Man Kaur öz döwürdeşleriniň arasynda karýerasyndaky 17-nji altyn medalyny gazandy. 101 ýaşyndaky türgen 30-njy aprelde tamamlanjak Bütindünýä weteranlar oýnunda naýza hem-de gülle zyňmak ýaryşlaryna-da gatnaşar.
Bütindünýä weteranlar oýny 1985-nji ýyldan bäri her 4 ýyldan bir gezek geçirilýär.Oňa ýaşy 35-den ýokary bolan türgenler gatnaşýar.