Türkmenistanyň Prezidenti Gurbanguly Berdimuhamedow jenap S.A.Sargsýana Ermenistan Respublikasynyň Premýer-ministri wezipesine saýlanmagy mynasybetli tüýs ýürekden çykýan gutlaglaryny ýollady.Milli Liderimiz gutlagynda jenap Serž Sargsýanyň biliminiň, ýokary hünär derejesiniň we baý syýasy tejribesiniň täze jogapkärli wezipede Türkmenistan bilen Ermenistan Respublikasynyň arasyndaky özara bähbitli gatnaşyklary ösdürmäge hyzmat etjekdigine berk ynam bildirdi. Şu ýakymly mümkinçilikden peýdalanyp, döwlet Baştutanymyz jenap Serž Sargsýana berk jan saglyk we onuň dostlukly ermeni halkynyň rowaçlygynyň bähbidine alyp barýan döwlet işinde täze üstünlikleri gazanmagyny arzuw etdi.