Türkmenistanyň Prezidenti Hindistanyň täze ilçisinden ynanç hatyny kabul etdi, şahyr Magtymgulynyň 300 ýyllygy Özbegistanda dabaraly ýagdaýda belleniler, Aşgabadyň Puşkin adyndaky teatry Balkan welaýatynda döredijilik saparynda bolar we beýleki habarlar
Türkmenistan 1.Prezident Serdar Berdimuhamedow sişenbe güni Hindistanyň Türkmenistandaky täze ilçisi Madhumita Hazarika Bhagatdan ynanç hatyny kabul etdi.Duşuşykda döwlet Baştutany Türkmenistan bilen Hindistany asyrlaryň jümmüşine uzap gidýän, birek-birege hormat goýmak däplerine esaslanýan dostlukly gatnaşyklaryň baglanyşdyrýandygyny aýtdy.
Ilçi Bhagat mähirli kabul edendigi üçin Prezident Serdar Berdimuhamedowa tüýs ýürekden hoşallyk bildirip, öz tarapyndan däp bolan dostlukly döwletara gatnaşyklary pugtalandyrmaga hemmetaraplaýyn ýardam berjekdigine ynandyrdy.minnetdarlyk bildirdi we ýurtlaryň arasyndaky dostlukly gatnaşyklary mundan beýläk-de pugtalandyrjakdygyna ynandyrdy. 2. Şu ýyl Özbegistanda türkmen şahyry we akyldary Magtymguly Pyragynyň doglan gününiň 300 ýyllygy mynasybetli dabaraly çäreler geçiriler.
Magtymgulynyň şygryýeti örän meşhur bolan Özbegistanda ýubileý dabarasy mynasybetli birnäçe çäreleri geçirmek meýilleşdirilýär. Şahyryň saýlanan eserleriniň ýygyndysy, ömri we döredijiligi baradaky ylmy eserler çap ediler.Türkmenistandan kinorežissýorlar bilen hyzmatdaşlykda çeper film döretmek meýilleşdirilýär, şeýle hem bu möhüm senä bagyşlanan maslahatlar, sergiler, teatrlaşdyrylan sahna çykyşlary we beýleki medeni çäreler geçiriler.
Bularyň ählisi türkmen halkynyň beýik ogluna we onuň bahasyna ýetip bolmajak edebi mirasyna goýulýan hormatyň alamatydyr. 3. 26-njy fewraldan 3-nji mart aralygynda A.S.Puşkin adyndaky Döwlet rus drama teatry Balkan welaýatyna döredijilik saparyny amala aşyrar we welaýatyň dürli şäherlerinde we etraplarynda sahnalaşdyrylan spektakllaryny görkezer.
Teatryň döredijilik topary Türkmenistanyň günbatar sebitiniň tomaşaçylaryna çagalar üçin niýetlenilen Altyn jüýje spektaklyny, şeýle hem S.Zlotnikowyň pýesasy esasynda sahnalaşdyrylan Erkek kişiniň zenanyňka gelişi atly sahna oýnuny görkezer. 4.
Aşgabatda Italiýanyň ilçihanasynyň açylmagynyň 10 ýyllygy mynasybetli Türkmenistanda medeni, syýasy, işewürlik we bilim çäreleri guralar. 2024-nji ýylyň mart aýynda iki ýurduň meşhur pianinoçylarynyň bilelikdäki çykyşyny guramak meýilleşdirilýär. 5.
Türkmenistanda döredilen elektron habar alyş-çalyş hyzmatlary ýurtda ulanyjylaryň arasynda meşhurlyk gazanyp başlady.Hususan-da, tekst habarlaryny, suratlary, wideolary we beýleki faýllary çalt alyşmak üçin Start messenjeri häzirki wagtda 350 müňden gowrak adam tarapyndan ulanylýar.
Hyzmat Google Play we App store dükanlarynda ýükläp almak üçin elýeterlidir.Ykjam programma ses we wideo jaňlary üçin hem ulanylyp bilner. Şeýle hem türkmenistanly ulanyjylar Sanly.tm portalynda täzeliklere, howa maglumatlaryna we güýmenje mazmunyna girmegi üpjün edýän 45 müňden gowrak elektron poçta gutusyny döretdiler.
Dünýäde
6. Özbegistanyň paýtagtynda Cats&friends atly ýurduň ilkinji pişikli kafesi açyldy.Kafeniň ähli tüýlek ýaşaýjylary Eýjejik pişikler atly haýwanlar gonalgasynda saklanýan pişiklerdir. Ähli pişikler sterilizasiýa edilen, parazitlere garşy bejergi alan we halkara talaplaryna laýyklykda, ähli sanjymlaryň edilendigi hakynda pasportlary bar.
Häzirki wagtda kafede 12 sany adamlaryň guýrukly dosty ýaşaýar.Olaryň rahat ýaşaýşy üçin ähli şertler döredilipdir. Ýanyň bilen nahar getirmek ýa-da öý haýwanlaryny getirilen iýmit bilen iýmitlendirmek düýbünden gadagan edilýär.
Cats&friends kafesinde anti-kafe konsepsiýasy hereket edýär: myhmanlar kafede geçiren wagtlary üçin töleg töleýärler.Myhmanlara rahat dynç alyş meýdançalary, mugt Wi-Fi, kitaplar we stolda oýnalýan oýunlar hödürlenýär. 7.
Köpler talyplyk ýyllaryny durmuşyň iň gowy döwri hasaplaýarlar, ýöne ylmy gözlegler başga bir zady ýüze çykardy: bagtlylygyň we özüňe bolan ynamyň iň ýokary derejesi has soň gelýär.Alymlar adamlaryň 60 ýaşynda özlerini ýaşlygyndan has bagtly duýýandyklary hakynda ylalaşýarlar.
Gözlegler 20-30 ýaş aralygynda aladanyň, stresiň we depressiýanyň iň ýokary derejede bolýandygyny görkezdi.Sport habarlary 8.Türkmenistanyň wekilleri ilkinji gezek geçiriljek Geljegiň oýunlary atly köpugurly sport ýaryşyna gatnaşmak üçin Kazanyň halkara howa menziline geldiler.
Geljegiň oýunlaryna dünýäniň 100-den gowrak ýurdundan 270-den gowrak toparyň gatnaşmagyna we ýaryşyň umumy baýrak gaznasynyň 10 million dollar bolmagyna garaşylýar.Türkmenistanyň milli ýygyndysynyň düzümi Türkmenistanyň Oguz han adyndaky Inžener-tehnologiýalar uniwersitetine wekilçilik edýän 15 türgenden ybarat.
Olar fijital-futbol we fijital-basketbol oýunlarynda çykyş ederler. 9.Italiýanyň Inter toparynyň futbolçylary Çempionlar ligasynyň 1/8 final tapgyrynyň ilkinji oýnunda Ispaniýanyň Atletiko toparyndan üstün çykdylar.Milan şäherindäki Juzeppe Meýassa stadionynda geçirilen oýun 1:0 hasabynda tamamlandy.
Interiň düzüminde ýeňiş getiren ýeke-täk goly Marko Arnautowiç derwezä ýollady.Oýun gününiň beýleki duşuşygynda PSW Dortmundyň Borussiýa topary bilen 1:1 hasabynda deňme-deň oýnady.