Eýranyň Daşary işler ministri Hüseýin Emir Abdullahiýan bilen Russiýanyň Daşary işler ministri Sergeý Lawrow, özara gatnaşyklar we sebitara meseleler hakynda pikir alyşdy.
Eýranyň daşary işler ministrliginden berlen ýazmaça beýannama görä, Abdullahiýan rus kärdeşi Lawrow bilen telefon arkaly söhbetdeşlik geçirdi.
Iki kärdeş telefon söhbetdeşliginde özara gatnaşyklar bilen birlikde Günorta Kawkazda başdan geçirilýän soňky wakalar we sebitara meseleler hakynda pikir alyşdy.
Abdullahiýan, Azerbaýjan bilen Ermenistanyň arasynda yzygiderli parahatçylygyň ýola goýulmagy üçin geçirilýän gepleşiklere kanagatlanma bildirýändiklerini nygtap, Eýranyň sebitde parahatçylygyň we durnuklylygyň ýola goýulmagyna goldaw berýändigini belledi.
Russiýanyň Daşary işler ministri Lawrow bolsa, Eýranyň Ýewraziýa Ykdysadyýet bileleşigi bilen erkin söwda şertnamasyny baglaşmagyna kanagatlanma bildirdi we şertnamanyň Eýranyň, Russiýa we Ýewraziýa Ykdysadyýet bileleşigine agza ýurtlar bilen arasyndaky ykdysady gatnaşyklaryň pugtlanmagy taýdan möhümdigine ünsi çekdi.
Lawrow, ýurdunyň Eýranyň territorial bitewiligine şertsiz goldaw berýändigini nygtady.