ABŞ-nyň metbugatynda aýdylýan we Atlanta şäheriniň polisiýa gullugyna esaslanyp berilen habarlara görä, şäherde düýn agşam 3 aýry massaž salonyna garşy ýaragly hüjümler guraldy.
Polisiýa gullugy, ilki bilen Jorjiýa ştatynyň paýtagty Atlanta şäheriniň demirgazygyndaky Çeroki sebitinde ýerli wagt bilen, günortandan soň aziýalylara degişli massaž salonynda guralan hüjümde 4 adamyň öldürilendigi barada maglumat berdi.
Bu wakadan gysga wagt soň ogurlyk hadysasynyň başdan geçirilýändigi barada maglumat alynan Atlanta şäheriniň merkezindäki başga bir massaž salonynda ýene-de 3 adamyň od açylyp öldürilendigi, şol hüjümden gysga wagt soň bolsa golaýdaky ýene-de bir massaž salonynda ýene-de bir adamyň öldürilendigi aýan edildi.
Waka bilen bagly derňew işini geçirýän polisiýa gullugynyň işgärleri, agşam Robert Aaron Long atly bir adamyň saklanandygyny we 3 hüjümiň hem jogapkäriniň Longdygyna ynanýandyklaryny habar berdiler.
Waka bilen baglanşykly derňew işi dowam edýärkä, amerikan mediasy hüjümlerde ýogalanlaryň 6-synyň asly Aziýaly zenanlardygy mälim edildi.