Eýranyň Çabahar şäherindäki Şahid Kelantari portunda ýerleşýän Harby-deňiz güýçleriniň gözegçilik diňiniň şu gün irden ABŞ-nyň hüjüminde nyşana alnandygy habar berildi.
Eýranyň resmi habar agentligi IRNA-nyň habaryna görä, ABŞ Çabahardaky Şahid Kelantari portunda ýerleşýän Harby-deňiz güýçleriniň gözegçilik diňine hüjüm gurady.
Hüjümde diň doly weýran boldy, deslapky habarlara görä hüjümde ýogalan ýa-da ýaralanan adam ýok.
Hüjümden soň, sebite tehniki we operatiw toparlar gönükdirildi we zyýany kesgitlemek, howpsuzlyk çärelerini durmuşa geçirmek we port işlerini täzeden başlatmak boýunça işler dowam edýär.
IRNA-nyň maglumatyna görä, Şahid Kelanteri portunda ýük ýüklemek we düşürmek işleriniň tehniki barlaglar tamamlanandan we howpsuzlyk şertleriniň kanagatlanarlydygy tassyklanandan gysga wagt soň gaýtadan başlanmagyna garaşylýar.
Şol bir wagtyň özünde, Eýranyň Saglygy goraýyş ministrligi 8-nji iýuldan bäri ABŞ-nyň Eýrana garşy guran hüjümlerinde ýogalanlaryň sanynyň 38 adama ýetendigini we 400-den gowrak adamyň ýaralanandygyny habar berdi.