Eýranyň resmi habarlar gullugy IRNA tarapyndan berilen habara görä, Kirman welaýatynyň Gyzyl ýarymaý jemgyýetiniň başlygy Ryza Fellah düýn başdan geçirilen sil apatlary barada maglumat berdi.
Düýn Jiroft etrabynda derýalaryň biriniň joşmagy netijesinde derýadaky adamlary halas etmek üçin halas ediş işleriniň başladylandygyny aýdan Ryza Fellah: "13 sagatdan gowrak wagt dowam eden gözleg we halas ediş işleriniň netijesinde 15 adamyň jesedi tapyldy. Şolaryň 1-i eýranly, 14-si bolsa daşary ýurtly" diýip habar berdi.
Ryza Fellah gözleg we halas ediş işleriniň netijesinde bolsa 2 adamyň halas edilendigini mälim etdi.