Amerikanyň Birleşen Ştatlarynda Ak Tamyň Milli Howpsuzlyk geňeşiniň Strategik aragatnaşyk koordinatory Jon Kirbi gündelik metbugat ýygnagynda Türkiyä satylmagy meýilleşdirilen F-16 uçarlar barada beýannama berdi.
Jo Baýdeniň ýolbaşçylygyndaky hökümediň wezipä başlanyndan bäri bu meselede meňzeş çemeleşmä eýedigini aýdan Jon Kirbi: "Goşmaça F-16 harby uçarlarynyň satylmagy we Türkiyäniň F-16 uçarlarynyň modernizasiýasyny goldamaga dowam edýäris" diýip mälim etdi.
Jon Kirbi F-16 harby uçarlaryň satuwy barada Kongrese haçan resmi habar beriljekdigi barada we satuw tertibi barada takyk maglumat berip bilmejekdigini aýtdy.
Türkiye 2021-nji ýylyň oktýabr aýynda 40 sany blok-70 F-16 harby uçary we 79 sany döwrebaplaşdyryş enjamy satyn almak üçin ABŞ-na niýet hatyny ugradypdy.
ABŞ-nyň hökümedi bolsa şu günki güne çenli beren beýanatlarynda Türkiyä F-16 harby uçarlarynyň satylmagyna goldaw berýändigini aýtsada, Kongrese haçan resmi habar berjekdigi barada anyk beýanat bermedi.