Ululygy boýunça dünýäde ikinji sport harytlaryny öndüriji Adidas AG baş ýerine ýetiriji müdirini üýtgeder diýip, interfax.ru belleýär.
Häzirki CEO Kasper Rorsted 2023-nji ýylda, Adidas onuň işini dowam etdirijini tapanda wezipesinden gider diýip, kompaniýanyň metbugat-relizinde aýdylýar. Täze baş ýerine ýetiriji müdiri gözlemek prosesi eýýäm başlady. Rorsted Adidas-a 2016-njy ýyldan bäri ýolbaşçylyk edýär.
Adidas-yň paýnamalary duşenbe güni söwdada 3,2% arzanlady. Şu ýylyň başyndan bäri olaryň bahasy 37% peseldi.