Salwadorda 72-nji halkara “Älem gözeli” bäsleşiginiň jemleýji tapgyry geçirildi. Bäsleşikde 23 ýaşly nikaragualy Şeýnnis Palasios ýeňiji boldy. Ýokary bilimi bolan Palasios mediýa pudagynda işleýär. Ýaryşa gatnaşyjylara diňe eşiklerine görä däl, eýsem emin agzalarynyň sowallaryna beren jogaplaryna hem baha berilýär.
Palasios bu bäsleşikde ýeňiji bolan ilkinji nikaragualy boldy. Ikinji orny Tailandyň wekili Anntoniýa Porsild, üçünji ýeri Awstraliýanyň wekili Moraýa Wilson aldy.
Bäsleşige geçen ýyldan başlap durmuşa çykan zenanlar hem gatnaşyp bilýär. Ondan öň diňe ýaş gyzlaryň gatnaşmagyna rugsat edilýärdi.