ÝB Geňeşiniň Başlygy Şarl Mişel Ispaniýanyň Granada şäherinde geçirilen ÝB-niň liderleriniň resmi däl maslahatyna barýarka žurnalistlere beren beýannamasynda, Azerbaýjanyň Prezidenti İlham Aliýew bilen Ermenistanyň Prezidenti Nikol Paşinýany Brýussele çagyrandygyny aýtdy.
Liderleriň çakylyga oňyn garandyklaryny aýdan Mişel, aýyň ahyrynda Brýusselde üçtaraplaýyn duşuşygyň geçiriljekdigini habar berdi.
Düýn Ýewropanyň syýasy bileleşiginiň çäginde ÝB Geňeşiniň, Ermenistanyň, Fransiýanyň we Germaniýanyň liderleri duşuşyp, maslahatdan soň beren bilelikdäki beýannamalarynda kadalaşma tapgyryny goldaýandyklaryny nygtapdy.
Aliýewiň gatnaşmadyk maslahatynda liderler serhetleri kesgitleme işleriniň depgininiň güýçlendirilmegini, saklananlaryn ikitaraply yzyna berilmegi, dereksiz ýitenler we minadan saplaýyş işleriniň netijeli dowam etdirilmelidigini beýan edipdi.