Futbol boýunça Türkmenistanyň Kubogyna “Altyn asyr” topary mynasyp boldy. “Altyn asyr” topary paýtagtymyzdaky “Nusaý” stadionynda oýnalan finalda “Ahal” topary bilen duşuşdy. Çekeleşikli geçen oýnuň 12-nji minutynda eminiň bellän 11 metrlik jerime urgusyny dürs ýerine ýetiren Serdar Geldiýew “Altyn asyry” öňe saýlady.
Oýnuň 31-nji minutynda soňky wagtlarda şowly oýun görkezýän Mihail Titow tapawutlanyp, hasaby 20-a ýetirdi.Toparlar şol hasap bilen arakesmä çykdylar.Ikinji ýarymda ilki-ilkiler “Ahal” topary hüjümlerini ýygjamlaşdyrsa-da, olara ýerlikli peýdalanmak başartmady.
Duşuşygyň 69-njy minutynda Begençmyrat Myradow oýna soňky nokady goýdy. Şeýlelikde, 30 hasabynda ýeňiş gazanan “Altyn asyr” topary 3 ýyldan soň, 4-nji gezek Türkmenistanyň Kubogy ýaryşynda ýeňiji boldy.
Aragatnaşykçylar mundan ozal 2009-njy, 2015-nji we 2016-njy ýyllarda-da kubogy eýeläpdiler.
Golaýda tamamlanan milli çempionatda bassyr 6-njy gezek çempion bolan “Altyn asyr” topary 3-nji sapar goşa üstünlik gazandy. “Altyn asyr” topary kubok ýaryşynda 4 gezek ýeňiji bolup, olar bu ugurda “Nebitçi” bilen deňleşdi.
Türkmenistanyň Kubogyna şu wagta çenli “Köpetdag” 7 (1992, 1993, 1994, 1996, 1997, 2000, 2018), “Nebitçi” 4 (2003, 2004, 2010, 2012), “Altyn asyr” 4 (2009, 2015, 2016, 2019) , “Nisa” 3 (1998, 1999, 2001), “Ahal” 3 (2013, 2014, 2017), “Merw” 2 (2005, 2008), ozalky HTTU 2 (2006, 2011), “Şagadam” (2007), “Turan” (1995) we “Garagum” (2002) toparlary 1 gezek mynasyp boldy.