Apple kompaniýasy iPhone-14-i, Apple Watch Series 8 akylly sagatlaryny we beýleki täze önümlerini hödürlemek üçin sentýabr aýynda geçiriljek tanyşdyrylyş dabarasyny ýazgy edip başlady. Bu barada Bloomberg-iň habarçysy Mark Gurman Power On habar ýollamasynda habar berdi. Muny gazeta.ru ýetirýär.
Guramanyň aýtmagyna görä, çäre sentýabr aýynyň başyna meýilleşdirilýär.Brendiň käbir muşdaklary kompaniýanyň tomaşaçylar bilen iPhone-yň “janly” tanyşdyrylyşyny geçirmegine garaşypdylar, ýöne bu ýyl hem öňünden ýazgy edilen wideo has makul hasaplanyldy.
Bloomberg-iň žurnalisti Apple-iň öňki ýyllar ýaly 2022-nji ýylyň güýzüne hem birbada iki çäräni meýilleşdirendigini nygtaýar.Sentýabr aýyndaky tanyşdyrylyş iPhone smartfonlaryna we Apple Watch sagatlaryna, oktýabr aýyndaky bolsa Mac kompýuterlerine we iPad planşetlerine bagyşlanar.