Režissýory: Entoni Russo, Jou RussoKeşplerde: Robert Dawni kiçisi, Kris Hemswort, Mark Ruffalo, Kris Ewans, Skarlett Ýohansson, Benedikt Kamberbetç, Don Çidl, Tom Holland, Çadwik Bouzman, Pol Bettani, Elizabet Olsen, Entoni Maki, Sebastian Stan, Tom Hiddlston, Danai Gurira, Letişa Raýt, Deýw Bautista, Zoi Saldana, Joş Brolin, Kris Pratt, Karen Gillian, Jeremi Renner, Kobi Smolders, Benedikt Wong, Pol Radd, Benisio Del Toro, Win DizelProdýuseri: Kewin FaýgiSsenariçileri: Kristofer Markus, Stefen MakFili (Sten Liniň hem-de Jek KirbiniňThe Avengers” atly komiksleri esasynda)Kompozitory: Alan SilwestriÖndüriji: “Marvel Studios”Paýlaýjy: “Walt Disney Studios Motion Pictures”Dowamlylygy: 149 minutGörnüşi: super gahrymanlar,uruşly, başdan geçirmeÝurdy: ABŞDili: iňlisçeBýujeti: 300400 million $.
Soňky ýyllarda kino sungatyna önjeýli goşant goşýan “Marvel Comics” şereketiniň nobatdaky, has takygy, 19-njy filmi düýnden başlap, dünýä prokatlarynda görkezilip ugrady. “Comics”-leriň tas ähli hyýaly gahrymanlaryny özünde jemleýän bu filme doganlar Entoni we Jou Russolar režissýorlyk etdi.
Olar ozalam “Marvel” kompaniýasynyň “Kapitan Amerika: gyş esgeri” hem-de “Kapitan Amerika: raýatlyk urşy” kinolaryny ekranlaşdyrypdylar. 149 minutlap dowam edýän ýylyň iri taslamasynyň ssenarisini Kristofer Markus bilen Stefen MakFili bilelikde ýazdy. “Marvel”-iň beýleki ekran eserlerinde bolşy ýaly, Kewin Faýgi bu filme-de prodýuserlik etdi.
Kinoda surata düşen artistler barada belläp geçsek, bu ekran eserinde Golliwudyň 30-a golaý tanymal artistleri dürli gahrymanlaryň keşplerini janlandyrdylar.Olar “Marvel”-iň beýleki kinolarynda-da surata düşen Robert Dawni kiçisi, Kris Hemswort, Mark Ruffalo, Kris Ewans, Skarlett Ýohansson, Benedikt Kamberbetç, Don Çidl, Tom Holland, Çadwik Bouzman, Pol Bettani, Elizabet Olsen, Entoni Maki, Sebastian Stan, Tom Hiddlston, Zoi Saldana… dagy dürli keşpleri ýerine ýetirdi.
Bilermenleriň çaklamasyna görä, film ilkinji hepdesinde 250 million dollardan gowrak girdeji gazanar.Umumylykda, bu kinonyň 1,5 milliard dollara golaý girdeji gazanmagyna garaşylýar. Şeýle-de filmiň ady doly belli edilmedik 2-nji bölümi-de geljek ýylyň aprel aýynda prokata çykar.“Kapitan Amerika: raýatlyk urşy” filmindäki wakalardan 2 ýyl geçýär.
Gahrymanlar üçin täze uly, ýeňilmezek howp peýda bolýar.Tanos atly duşman Ýer şaryna özüniň sanýetmez leşgerleri bilen gadam basýar.Ol müdimilik daşlaryna eýe bolup, güýjüni has-da artdyrmak isleýär.
Bu bolsa, ar alyjylaryň köpden bäri özleri üçin garaşyp ýören pursatlarynyň gelip ýetendigini aňladýar.Olar, has takygy, “Avengers” topary Galaktikanyň sakçylary bilen birigip, hereket etmeli bolýarlar.Adamzadyň geljegi hiç haçan beýle howp astynda bolmandy…