Döwrebap Arkadag şäherinde geçirilýän Medeniýet hepdeliginiň çäklerinde geçirilen, ýurdumyzyň žurnalistleriniň we döredijilik işgärleriniň gatnaşmagynda Arkadag arşa göterdi Pyragynyň sarpasyny! atly dabaraly maslahatda täsirli çykyşlar edildi.
Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllyk baýramynyň giň gerimli dabaralara, çärelere beslenip bellenilýän ýylynda Medeniýet hepdeliginiň Arkadag şäherinde geçirilmegi, aýratyn buýsançlydyr.Milli Liderimiz Gahryman Arkadagymyzyň çuňňur pähim-paýhasyndan, halkymyza hem-de eziz Watanymyza beýik söýgüsinden kemala gelen Arkadag şäheri bagtyň şäheri.
Köpetdagy etekläp oturan Magtymguly Pyragy medeni-seýilgäh toplumynyň hem-de Magtymguly Pyragynyň ýadygärliginiň hormatly Prezidentimiziň özüniň gatnaşmagynda dabaraly açylmagy, ýatdan çykmajak taryhy waka boldy.
Magtymguly Pyragy medeni-seýilgäh toplumynda daşary ýurtly ýazyjy-şahyrlaryň, akyldarlaryň heýkelleriniň ýerleşdirilmegi, ýurdumyzda dünýä edebiýatyna, söz sungatynyň ägirtlerine goýulýan hormatyň egsilmezdiginiň aýdyň beýany boldy.Beýik söz ussady Magtymguly Pyragynyň şygyrlarynda berkarar döwlet, bagtyýar durmuş baradaky arzuw-islegler ör-boýuna galýar.
Häzirki nesiller dana şahyryň arzuwlan ajap eýýamynda ýaşaýar.Tebigatymyzyň gözelliklerini, adamzat gymmatlyklaryny şygyrlaryna siňdiren şahyryň hormatyna ýadygärligiň oturdylmagy, halkymyzyň söz ussadyna goýýan gymmaty egsilmejek sarpasydyr.
Akyldaryň köptaraply döredijiligi ýaş nesilde watansöýüjilik, ynsanperwerlik, maşgala mukaddesliklerine ygrarlylyk, päk ahlaklylyk ýaly, ýagşy gylyk-häsiýetleri terbiýelemekde nusgalyk mekdep bolup hyzmat edýär.
Arkadag şäheri akyldar şahyrymyz Magtymguly Pyragynyň şygyrlarynda arzuw edilen döwlet berkararlygynyň, il agzybirliginiň nusgalyk şäheridir, bagtyň şäheridir