Arkadag şäheriniň Taryhy we ülkäni öwreniş muzeýinde Pähim-paýhas ummany Magtymguly Pyragy ýylyna bagyşlanan edebi-sazly duşuşyk geçirildi.
Dabara Sahy Jepbarow adyndaky Arkadag şäher ýörite sungat mekdebi bilen bilelikde guraldy.
Duşuşykda Sahy Jepbarow adyndaky mekdebiň muzeý işgärleri, mugallymlary we okuwçylary çykyş etdiler. Çykyş edenler beýik şahyryň Gündogaryň nusgawy edebiýatyndaky wajyp ornuny dogrusynda belläp geçdiler.
Türkmenistanyň Medeniýet ministrliginiň web sahypasynda habar berlişi ýaly, duşuşykda Magtymguly Pyragynyň goşgulary okaldy we şahyryň sözlerine döredilen aýdymlar ýerine ýetirildi.