AŞGABATDA 28-NJI MARTDA TÜRKMEN TOPRAGY GADYMY MEDENIÝETLERIŇ MERKEZI ATLY METBUGAT MASLAHATY GEÇIRILER

AŞGABATDA 28-NJI MARTDA TÜRKMEN TOPRAGY  GADYMY MEDENIÝETLERIŇ MERKEZI ATLY METBUGAT MASLAHATY GEÇIRILER

Aşgabatda 28-nji martda Änew şäheriniň 2024-nji ýylda Türki dünýäsiniň medeni paýtagty diýlip yglan edilmegi hem-de Magtymguly Pyragynyň doglan gününiň 300 ýyllygy mynasybetli guraljak dabaralaryň çäklerinde Türkmen topragy gadymy medeniýetleriň merkezi atly metbugat maslahaty geçiriler.

Bellenilişi ýaly, bu çärä Türki medeniýetiň halkara guramasyna (TÜRKSOÝ) agza döwletlerden hem-de Türkmenistanyň Telewideniýe, radiogepleşikler we kinematografiýa baradaky döwlet komitetiniň hyzmatdaşlary bolan daşary ýurt köpçülikleýin habar beriş serişdeleriniň wekilleriniň gatnaşmaklaryna garaşylýar.

Forumyň işi Türki medeniýetleriň birligi we onuň metbugatda tutýan orny, Pähim-paýhas ummany Magtymguly Pyragy, Sanly media we habarlar, Filmler, animasiýalar we kinofestiwallar atly dört bölümde dowam eder.

Myhmanlar üçin taryhy ýerlere gezelençleri, Aşgabat we Arkadag şäherleriniň ajaýyp ýerleri bilen tanyşlyklary guramak, olaryň Türkmenistanda syýahatçylygy ösdürmegiň esasy ugurlary we mümkinçilikleri atly halkara maslahatyň işine gatnaşmaklary, Magtymguly adyndaky Türkmen döwlet uniwersitetiniň talyplary bilen duşuşygy göz öňünde tutulýar.

Hormatly Prezidentimiz Serdar Berdimuhamedow hasabaty diňläp, Aşgabat şäherinde geçiriljek Türkmen topragy gadymy medeniýetleriň merkezi atly metbugat maslahatyny ýokary derejede geçirmek üçin gowy taýýarlyk görmegiň wajypdygyny belledi. Onda halkymyzyň dünýä medeniýetiniň ösüşine goşan goşandyny giňden beýan etmek zerurdyr diýip, döwlet Baştutanymyz aýtdy we bu babatda wise-premýere anyk tabşyryklary berdi.

Ýene degişli makalalar

Aşgabatda TÜRKSOÝ-nyň howandarlygynda geçirilen bäsleşikleriň jemi jemlendi
Aşgabatda TÜRKSOÝ-a agza döwletleriň medeniýet ministrleriniň 41-nji mejlisi geçirildi
Änew şäheriniň Türki dünýäsiniň medeni paýtagty diýlip yglan edilmegi mynasybetli geçirilen çäreleri jemlemek dabarasy
TÜRKSOÝ-a agza ýurtlaryň medeniýet ministrleriniň hemişelik geňeşiniň mejlisi
9-njy noýabrda Türkmenistanyň esasy habarlarynyň daýjesti
Türki dünýasiniň medeni paýtagty Anew bilen bagly jemleýji dabara we konsert geçirildi
18-nji noýabrda Türkmenistanyň esasy habarlarynyň daýjesti