Aşgabatdaky Fransuz instituty 5-nji oktýabrda sagat 17:00-da geçiriljek Fedçenkonyň ýatdan çykarylan buzlugy filminiň görkezilişine we filmiň awtory Sedrik Gra bilen söhbetdeşlige gatnaşmaga çagyrýar
Fedçenkonyň ýatdan çykarylan buzlugy dokumental filmi 2022-nji ýylda surata düşürildi. Filmiň fransuz dilindäki asyl görnüşi iňlis subtitrleri bilen türkmen tomaşaçylaryna görkeziler. Görkezilişden soň filmiň awtory Sedrik Gra bilen söhbetdeşlik guralar. Söhbetdeşligiň dowamynda Ekspedisiýalar we alpinizm howanyň üýtgemegi bilen baglanyşykly meselelere ünsi çekmegiň guraly hökmünde atly tema boýunça pikir alşylar.
Ýazyjy Sedrik Gra 2020-nji ýylda Albert Londres baýragyna mynasyp boldy. Ol Fransiýanyň Ylmy-barlag geçirijiler jemgyýetiniň agzasy bolup, şu wagta çenli onlarça eseri: romanlary, gysga hekaýalary we syýahatçylyk ýazgylary neşir edildi. Şeýle hem, ol öz ekspedisiýalary barada surata düşürilen birnäçe dokumental filmiň awtory. Olaryň aglaba bölegi ARTE teleýaýlymy üçin surata alnandyr.
Bu medeni çäre Türkmenistandaky Fransuz instituty tarapyndan BMGÖM hem-de Buig Türkmen kompaniýasynyň Bitarap Türkmenistan şaýolunyň 592-nji jaýynda ýerleşýän Carbon Training Centre merkezi bilen bilelikde guralýar.
Filmiň görkezilişine baryp görmek üçin şu salgy arkaly öňünden ýazylyp bilersiňiz:
ift.culture@gmail.com
Dokumental filmiň dowamlylygy 52 minut.