Awtomat enjamlar täze oýlap tapylan zatlaryň esasynda düýpgöter üýtgedi. Žeton bilen işleýän ilkinji awtomat enjam 1880-nji ýyllaryň başlarynda Angliýada ulanylyp başlanýar.Bu enjam otkrytka paýlaýan eken.
Awtomatlaşdyrylan tehnologiýanyň dürli ugurlarda has ösen häzirki döwründe şeýle enjamlaryň örän täsin görnüşleri hem bar.Geliň, olaryň käbiri bilen tanyş bolalyň!Banan: Tokiodaky Sibuýa wokzalynyň ýolagçylary bu ýerdäki enjamdan banan alyp bilerler.
Enjam müşderileriň islegine görä, bir sany ýa-da bir salkym banan berýär.Enjam isleg bildiren harydyňyzy torba salmagy hem “unutmaýar”.Ýumurtga: Ýaponiýanyň Nagoýa şäheriniň köçelerine ýerleşdirilen enjamlar her gün ir säher biler täze ýumurtgalar bilen doldurylýar.
Her gaba 10 ýa-da 12 sany ýumurtga salnypdyr.Pizza: Ýewropanyň dürli şäherlerinde pizza berýän enjamlar bar.Müşderiler ozal azda-kände taýýar edilen pizzany sargyt edeninden soňra 3 minut garaşmaly bolarlar.
Bu enjam hamyry ýugurýar we üstüne siziň islän zatlaryňyzy goşýar.Püre: Dünýäniň senagat taýdan ösen ýurtlarynyň biri bolan Singapurdaky köçelerden gyzgynjak kartoşka püre alyp bilersiňiz.Çörek: Parižiň köçelerinde we gelim-gidimli ýerlerinde islän wagtyňyz çörek alyp bilersiňiz. Çörekler azda-kände bişirilip bu enjamyň içine goýulýar.
Müşderiniň aljak wagty çörekler doly bişirilip berilýär.Tüwi: Ýaponiýanyň Himedzi şäherindäki awtomat enjamy tüwiniň 8 görnüşlisini satýar.Doňdurma: ABŞ-da sensor ekranly awtomatlaşdyrylan enjamdan 96 görnüşli alyp bilersiňiz!