Müşderileriň isleglerine görä, gymmat bahaly az sanly sagatlary öndürýän Patek Philippe kompaniýasynyň Reference 1518 atly sagady auksionda rekord bahadan satyldy.Goşar sagady Ženewada geçirilen auksionda 14,2 million şweýsar frangyna (17,6 million amerikan dollary) satyldy.
Sagadyň gymmat bolmagynyň sebäbi poslamaýan polatdan we bary-ýogy 4 sanysynyň öndürilen bolmagy bilen baglydyr. Şeýle bolansoň, ol altyndan ýasalan sagatlardan hem gymmada satyldy.Mundan ozal şol sagat 2016-njy ýylda 11 million şweýsar frangyna (13 million 668 müň amerikan dollary) satylypdy.
2019-njy ýylda Şweýsariýanyň Patek Philippe kompaniýasynyň Grandmaster Chime sagady 31 million amerikan dollaryna satylyp, häzire çenli bu ugurdaky rekordy özünde saklaýar.
Guwanç ÝAZMYRADOW,
Türkmenistanyň Inžener-tehniki we ulag kommunikasiýalary institutynyň talyby.