14-nji awgustda “Türkmenistanyň Hronikasy” Türkmenistanyň günortasyna gelen sil baradaky habary çap etdi. Biziň maglumatlarymyza görä, şona azyndan bir posýolok Kälata weýran boldy, onlarça adam heläk boldy.
Düýn, 6-njy sentýabrda “Azatlyk” radiosy bu wakanyň bolan ýerinde düşürilen wideony çap etdi.
Neşiriň maglumatyna görä, birnäçe oba, hususan-da Nohur, Garawul, Döwgala, Akdepe, Hankäriz, Könekesir, Kürüždeý, Aýydere, Hojagala, Çukur, Jejirs we Jeňňelli obalary weýran bolupdyr.
Sil netijesinde 30-a golaý adam ýogaldy.
Radionyň habar bermegine görä, boljak tebigy hadysa barada Arçabil etrabyndaky birnäçe gurama habar berlipdir, çagalaryň tomusky dynç alyş lagerleriniň aglabasy şu etrapda ýerleşýär. “Türkmenistanyň Hronikasynyň” maglumatyna görä, çagalar lagerleriniň birnäçesi ewakuasiýa edildi.
Şol bir wagtda geljek siliň ugrunda ýerleşýän obalara abanýan howp barada duýduryş berilmändir.