Azerbaýjanyň Türkmenistandaky ilçihanasy täze salga göçdi. Indi ilçihana Aşgabat şäheriniň Gypjak köçesiniň 41-nji jaýynda ýerleşýär. Bu barada edaranyň jemgyýetçilik torlaryndaky hasaby arkaly habar berildi.
Ilçihana bilen birlikde onuň Konsullyk bölümi hem indi täze salgyda işlär.
Ilçihananyň Konsullyk bölümi hepdäniň duşenbe we anna günleri ir sagat 9-dan 13-e çenli kabul edýär.
Azerbaýjanyň ilçihanasynyň web saýtynyň ashgabat.mfa.gov.az salgysynda ýerleşýändigini habar berýäris. Şeýle hem ilçihana bilen ashgabat@mission.mfa.gov.az elektron salgysy arkaly habarlaşyp bolar.
Ilçihana ozal Aşgabat şäheriniň Bilim köçesiniň 44-nji jaýynda ýerleşýärdi.