Döwlet sekretarlygynyň metbugat geňeşçisi Mattew Miller beren ýazmaça beýannamasynda; “Blinken BMG-niň Baş sekretary Antoniu Guterriş bilen Russiýanyň Gara deňiz galla başlangyjynyň möhletiniň gutarýan güni bolan 17-nji iýula çenli uzaltmazlyk hakyndaky beýanaty boýunça pikir alyşdy” diýilýär.
Beýannamada liderleriň ylalaşygyň global azyk howpsuzlygy taýdan möhüm we bes edilmeginiň esasanda ösüp barýan ýurtlardaky azyk importçylaryna ýaramaz täsiriniň boljakdygy hakynda ylalaşandyklary beýan edildi.
2022-nji ýylyň 24-nji fewralynda Russiýanyň Ukraina başlan hüjümleriniň global azyk üpjünçiligine ýetirýän zyýan täsirlerini azaltmak üçin BMG, Russiýa, Türkiýe we Ukraina 2022-nji ýylyň iýulynda Stambulda geçirilen dabarada Gara deňiz galla başlangyjy hakyndaky ylalaşyga gol çekişipdi. 2022-nji ýylyň 19-njy noýanryndan başlap 120 gün möhlet bilen uzaldylan ylalaşygyň möhletiniň 18-nji martda gaýtadan uzaldylmagyna karar berilipdi.
Rus resmileri möhleti 17-nji iýulda gutarýan ylalaşygyň möhletiniň uzaldylmagy üçin ähtimallyk görmeýändiklerini aýdypdy.