BMG-nyň täze Baş sekretary Antoniu Guterriş 13-nji iýunda Türkmenistana ilkinji saparyny amala aşyrýar.
BMG-nyň täzelikler merkezi Antoniu Guterrişiň Aşgabatda Merkezi Aziýada terrorçylyk bilen göreş strategiýasyny durmuşa geçirmäge bagyşlanan ýokary derejeli dialoga gatnaşjakdygyny habar berdi.
“Öňde duran gepleşikleriň netijeleri boýunça hyzmatdaşlygy dowam etdirmeklige gönükdirilen dokumentler toplumyna gol çekilmegi planlaşdyrylýar” diýip, TDH döwlet habar gullugy habar berýär.
Bellemek gerek, “Hýuman Raýts Wotç” we adam hukuklaryny goraýan “Türkmen inisiatiwasy” guramasy bu saparyň öňünden, 8-nji iýunda Türkmenistanda adam hukuklarynyň gözgyny ýagdaýy barada beýanat çap etdi.