BMG-nyň Baş sekretary Antoniu Guterreş, Ysraýylyň Ýemene guraýan hüjümlerine uly alada bildirýändigini mälim etdi.
Antoniu Guterreş, Ysraýylyň Ýemeniň Hudeýde şäherine guran hüjüminde 6 adamyň ýogalmagyna, 80-den gowrak adamyň hem ýaralanmagyna sebäp bolan hüjümden soň taraplara parasatly çemeleşmekleri üçin çagyryş berdi.
Ysraýylyň 20-nji iýulda guralan hüjümiň jogapkärçiligini öz üstüne alandygyny aýdan Guterreş, hüjümiň elektrik geçirijilerine zeper ýetirendigini we nebiti gaýtadan işleýän zawotda ýangyna sebäp bolandygy nygtaldy.
Guterreş, Ysraýylyň Ýemende guraýan hüjümlerine alada bildirýändigini ýatladyp, şuňa meňzeş hüjümleriň sebitde dartgynlyk emele getirip biljekdigine ünsi çekdi.
Ysraýyl, şenbe güni agşamara Husileriň gözegçiligi astyndaky Gyzyl deňiziň kenarynda ýerleşýän Hudeýde portuna howa hüjümini gurapdy.
Ýolbaşçylar hüjümde 6 adamyň ýogalandygyny, 80-den gowrak adamyň hem ýaralanandygyny mälim edipdi.