Germaniýanyň BMW awtoulag kompaniýasy adaty ulaglaryndan elektrik ulaglarynyň önümçiligine geçende, iş orunlaryny azaltmakçy däl. Bu barada Trend ýazýar.
“Bizde önümçiligiň özgerdilmeginde iş orunlarynyň ýitgisi bolmaz, şu onýyllykda biziň Mýunhendäki kärhanamyzda dolulygyna elektrik ulaglaryň önümçiligine geçmekçi, hiç kim işini ýitirmez” diýip, kompaniýanyň başlygy Oliwer Sipse metbugat beýanatynda habar berdi. Ol eger adaty awtoulaglardan elektrik hereketlendiriji ulaglaryň önümçiligine geçilende, iş orunlarynyň kemelip, köpçülikleýin işsizligiň döräp biljekdigi barada aýyplamalar bilen bagly şeýle beýanat berdi.
Ol şeýle-de ulaglaryň iki görnüşiniň hem önümçiliginiň şol bir ýygnalýan ugurlarda öndüriljekdigini, munda öňki işgärler düzüminiň işlejekdigini aýtdy.