Burkino-Fasonyň paýtagty Uagadugu şäherinde ýerli artistler rus ýazyjysy Nikolaý Gogolyň Derňewçi atly meşhur komediýasyny sahnalaşdyrdylar. Sahna eseri ýerli tomaşaçylar üçin düşnükli bolar ýaly, milli äheňlerde goýuldy diýip, Izwestiýa habar berýär.
Ýagny artistler milli egin-eşiklerde çykyş etdiler, mysal üçin, Gorodniçiý ýerli milli eşik bolan giň köýnekli we başgaply çykyş etdi.
Tomaşaçylar teatr sahnasyny dowamly el çarpyşmalar bilen kabul etdiler. Gogoly Afrikada-da tanaýarlar we söýýärler diýlip, habarda bellenýär.