Bild.de: Germaniýa koronawirusa garşy göreş maksady bilen Portugaliýa harbylary we lukmanlary ugradar.
Frankfurter Allgemeine Zeitung: Moskwada kazyýet diňlenşigi: Rus oppozisioner Alekseý Nawalnyý 2,5 ýyl azatlykdan mahrum edildi.
Spiegel.de: Rus koronawirus sanjymy Sputnik V-iň täsirlilik derejesi 91,6 göterim.
Le Parisien (Fransiýa): Kowid-19: Fransiýanyň Prezidenti Emmanuel Makron, tomus aýynyň ahyryna çenli ähli fransuzlaryň sanjym etdirip biljekdigi barada söz berdi.
Le Monde (Fransiýa): Koronawirusyň Britaniýa görnüşi aladalandyrjak derejede mutasiýa sezewar bolýar.
France 24 (Fransiýa): Kowid-19: Bütindünýä Saglygy goraýyş guramasynyň hünärmenleri Hytaýyň Uhan şäherindäki Wirusologiýa institutyna baryp gördüler.
Al Raýa (Katar): Ýewropa Bileleşigi Kosowa Iýerusalimde ilçihana açmazlyk barada duýduryş berdi. Arap ligasy ilçihanany açmak baradaky karary halkara hukugyň düzgün bozmasy hökmünde häsýetlendirip, ýazgardy.
Al Dastour (Iordaniýa): Dünýä derejesinde 2 aýyň içinde koronawirus epidemiýasyna garşy 100 million sanjym edildi.
Al Jazeera: Kadalaşma etabyndan soň Ysraýyl, Sudana maýa goýum taslamalarynyň durmuşa geçirilmegi barada teklip hödürledi.
El Pais (Ispaniýa): Ýewropanyň Merkezi bankynyň berýän maglumatyna görä, Ispaniýa geçen ýyl başdan geçirilen ykdysady krizisiň hötdesinden gelmek üçin iň az pul çykdajy eden Ýewropa ýurdy boldy.
El Mundo (Ispaniýa): Ispaniýanyň ençeme şäherinde Kowid-19 epidemiýasynyň öňüniň alynmagy üçin görülýän çäreler günsaýyn berkidilýär. Madrid, Malaga we Asturias şäherleri ýaly.
TASS Agentligi: Russiýanyň Daşary işler ministrliginiň metbugat sekretary Mariýa Zaharowa, günbatarly diplomatlaryň oppozisioner syýasatçy Alekseý Nawalnyýnyň Moskwada geçirilen kazyýet diňlenşigine tomaşa etmeklerini syýasy aksiýa hökmünde häsýetlendirdi.
Kommersant Gazedi: Russiýanyň Nýu-Ýork şäherindäki Baş konsullugynyň golaýynda Alekseý Nawalna goldaw berip geçirilen protestde gyzyl boýag zyňyldy. Baş konsullyk ABŞ-nyň Döwlet sekretarlygyndan diplomatik wekilhananyň howpsuzlygyny üpjün etmegini talap etdi.
Gazeta ru: Hytaý, koronawirus epidemiýasyna garşy sanjym önümçiligi babatynda Russiýa bilen hyzmatdaşlyk etmäge taýar.