Frankfurter Allgemeine Zeitung: Ýewropa Bileleşigi Komissiýasy, merkezi ABŞ-da ýerleşýän Moderna derman kärhanasy bilen jemi 300 million doza Kowid-19 sanjymynyň satyn alynmagy bilen bagly ylalaşyk baglaşdy.
Deutsche Welle: NATO agza ýurtlaryň Goranmak ministrleriniň maslahaty ABŞ-da geçirilen saýlawdan soň ilkinji gezek geçirilýär.
Handelsblatt: Ýewropanyň awtoulag pudagy koronawirus epidemiýasy sebäpli kyn tapgyrdan geçýär.
Le Parisien: "Aýralykçy" kanun taslamasy: Serhetsiz habarçylar, Fransiýanyň senadyna metbugat azatlygyny kepillik astyna almagy barada çagyryş berdi.
Le Monde: Yslamjy Çepçilik: Fransuz Ylmy-derňew Milli merkeziniň habar bermegine görä: "Bu söz hiç hili ylmy hakykata bap gelmeýär". Ýokary okuw jaýlar we ylmy-derňewler ministri Frederik Widal bolsa basyş astynda. (Bellik: Frederik Widal uniwersitetlerde yslamjy çepçilik bilen bagly derňew işini başladypdy).
Le Figaro: Ýewropalylar we Amerikalylar Eýranyň ýadro ylalaşygynyň halas edilmegini ara alyp maslahatlaşýarlar.
El Pais (Ispaniýa): Rep aýdymçysy Pablo Haseliň, tussag edilmegine garşy geçirilen protestler düýn Madrid şäherine ham ýaýrady.
La Wanguardia (Ispaniýa): Ispaniýanyň Halk saglygy goraýyş komissiýasy, 45 bilen 55 ýaş aralygyndaky raýatlara AstraZeneka kärhanasy tarapyndan öndürilen sanjymyň edilmegini maslahat berdi.
Infoabae (Argentina): Pan Amerikan Saglygy goraýyş guramasy, Wenesuelada Kowaks programmasyndan Kowid-19 sanjymlaryny almak üçin 18 million dollar öňünden pul geçirmelidigini habar berdi.
Al Jazeera: Ençeme wagt soň ABŞ-nyň Prezidenti Jo Baýden bilen Ysraýylyň Premýer ministri Benýamin Netanýahunyň arasynda ilkinji gezek telefon arkaly söhbetdeşlik geçirildi.
Al-Raýa (Katar): Türkiýedäki Syýahatçylyk fermalary syýahatçylaryň ünsüni özüne çekýär.
Al-Kuds Al-Arabi: BAE-nyň Ysraýyldaky ilçisi iwrit dilinde atan twiti bilen ilçihananyň Twitter hasabyny açdy.
Kommersant: Ukrainanyň tebigy gaz kärhanasy "Naftogaz"-yň başlygy, Demirgazyk Akym 2 tebigy gaz geçirilji turba taslamasynyň gurluşygynyň bes edilmeginiň ukrainalylar üçin örän möhümdigini beýan etdi. "Naftogaz"-yň başlygynyň habar bermegine görä, taslamanyň tamamlanmagy Ukrainany Russiýanyň eden-etdiliklerine garşy has hem goragsyz ýagdaýa getirer.
RIA Nowosti: 2021-nji ýylda 30-dan gowrak rus banky ygtyýarnamasyny elinden aldyryp biler.
TASS: Moskwa Ýewropanyň Adam Hukuklary Kazyýetiniň tussaglykda bolan oppozisioner syýasatçy Alekseý Nawalnyýnyň iň tiz wagtda azat edilmegi baradaky talabyny Russiýa Federasiýasynyň içerki işilerine goşulmak hökmünde häsýetlendirýär.