7-17-nji dekabrda agyr atletika boýunça Özbegistanda geçen Dünýä çempiýonatynda Türkmenistanyň ýygyndy topary ýekejede “uly” medaly gazanyp bilmedi.
Iki sany “kiçi” bürünç medallary Ýyldyz Jumabaýewa 49 kilograma çenli agramda çykyş edip, 76 kilogram göterdi we 61 agramda bäsleşen Seýitjan Mürzäýew 128 kilogramy galdyrdy.
“Gündogaryň” ýazmagyna görä,ýygyndy toparyň liderleri 2018-nji ýylda dünýä çempiýony bolan Ýyldyz Jumabaýewa (49 kg çenli), 2020-nji ýylda Tokiýoda geçen Olimpiýadanyň kümüş medalyny gazanan Polina Gurýewa, Seýitjan Mürzäýew (61 kg çenli) we Hojamuhammet Toýçiýew (102kg çenli) ýaryşy jemleýji orunsyz tamamladylar.
Neşiriň ýazmagyna laýyklykda,2021-nji ýyldaky Aziýa çempiýonatynyň bürünç medalynyň eýesi Rejepbaý Rejebow (81kg çenli) we 2017-nji ýyldaky Dünýä çempiýonatynyň we 2018-nji ýyldaky Aziýa oýunlarynyň kümüş medallarynyň eýesi Kristina Şermetowa (55 kg çenli) dagy ýygyndy toparyň düzümine alynmadylar.
Hatda, Rejebow Daşkende bardy we näbelli sebäplere göra, bäsdeşlige çykarylmady.
Bu ýaryşyň başlanmagyna iki hepde galanda, Turkmen news neşiri Türkmenistanyň ýygyndy toparynyň baş tälimçisi Artur Emirýanyň näbelli sebäplere görä wezipesinden çetleşdirilendigini habar beripdi.
Ol Türkmenistanyň garaşsyzlyk ýyllary içinde ilkinji Olimpiýa medalyny gazanan Polina Gurýewanyň tälimçisidi.
The post Daşkentde geçen Dünýä çempiýonatynda Türkmenistanyň agyr atletika boýunça ýygyndysy şowsuz çykyş etdi first appeared on Türkmenistanyň Hronikasy.