Azady hususy kärhanasy tarapyndan esaslandyrylan Dizaýn-master dizaýnerlik studiýasy çärýek asyr bäri jaýlaryň içiniň we daşynyň (interýerleriň we eksterýerleriň) taslamasyny çyzmak, bezemek meseleleri bilen meşgullanyp gelýär hem-de otaglaryň we öýleriň, kafeleriň we restoranlaryň, iş otaglarynyň we beýleki ýerleriň özboluşly dizaýnyny döretmek hyzmatyny hödürleýär.
Studiýanyň hünärmenleri otagyň nusgawy barokko, ampir, renessans görnüşlerinden başlap, döwrebap haýtek, loft, modern, art-deko ýa-da minimalizm görnüşlerine çenli islendik stildäki dizaýn taslamalarynyň üstünde işleýärler.
Dizaýn-master öz taslamalaryny durmuşa geçirmegiň her bir tapgyryna örän seresaplylyk bilen çemeleşýär.Otagyň geljekki konsepsiýasy işlenilip düzülende müşderiniň reňk ýa-da stil islegleri, bezeg işlerinde ol ýa-da beýleki materiallara ýykgyn etmegi, şahsy güýmenjeleri we hünär talaplary göz öňünde tutulýar.
Dizaýn-taslamary durmuşa geçirilende giňişlikde sazlaşykly gurşawyň emele gelmegine, ýagtylygyň dogry düşmegine, materiallaryň we reňk öwüşginleriniň utgaşdyrylmagyna aýratyn üns berilýär.
Şeýle-de Dizaýn-master heniz taslamanyň işlenilip düzülýän tapgyrynda otagyň geljekki görnüşiniň 3D şekilini emele getirýär, soňra bolsa müşderiniň ähli isleglerini göz öňünde tutup, ony gaýtadan işleýär. Bu usul taslama fiziki taýdan durmuşa geçirilende döräp biljek ähli kynçylyklaryň öňüni almaga mümkinçilik berýär.
Mundan başga-da, Dizaýn-master müşderiniň hususy taslamasy boýunça sargyt esasynda mebel önümçiligini amala aşyrýar. Studiýanyň ussalary tarapyndan taýýarlanan mebel islendik otagyň içki bezegi bilen ajaýyp sazlaşygy emele getirmäge ukyplydyr.
Dizaýn-master studiýasynyň teklipleri bilen şu salgyda tanşyp bilersiňiz: Aşgabat, Parahat 2/2 kiçi etrapçasy, 8-A.
Habarlaşmak üçin maglumatlary:
Bellik: habar aksiýa esasynda ýerleşdirildi Sarayan kärhanasynda ýörite lybas tikdirmek boýunça sargyt ediň we Turkmenportal internet neşirinde mahabat (reklama) gazanyň.
Şeýle-de okaň: