Russiýanyň Ulaglar ministrliginden berlen beýannama görä, anna güni ýurduň günortasynda ýerleşýän Rostow-na Donu sebitindäki Howa gatnawy gullugynyň dolanşyk merkezine guralan dron hüjümi sebäpli 13 howa menzilinde uçuşlar wagtlaýyn bes edildi.
Hüjüm sebäpli Astrahan, Wladikawkaz, Wolgograd, Gelendžik, Grozni, Krasnodar, Mahaçkala, Maras, Mineralnýe Wodi, Nalçik, Soçi, Stawropol we Elista howa menzillerinde uçar saparlary bes edildi.
Ministrlik tarapyndan Telegramdan berlen beýannamada, hüjümden soň Russiýanyň günortasyndaky howa gatnawynyň täzeden gözden geçirlendigi nygtaldy.
Russiýa bilen Ukraina biri-birini 9-njy maý Ýeňiş baýramy mynasibetli yglan edilen iki günlük ylalaşygy bozmakda günäkärleýär.
Ukrainanyň Prezidenti Wolodimir Zelenskiý, Russiýanyň 850-den gowrak dron hüjümini gurandygyny mälim etdi.
Russiýanyň Goranmak ministrligi bolsa ylalaşygyň 1365 gezek bozulandygyny aýan etdi.
Russiýanyň Goranmak ministrligi duşenbe güni Ýeňiş baýramy mynasibetli maý aýynyň 8-9-y aralygynda atyşygy bes etjekdigini mälim edipdi.